Dava Gjoka - Buqetë poetike

Dava Gjoka

BUKMIRA NË GOTË !

(Vargje kushtuar vendlindjes 
time Bukmirë ,Mirditë )

N'gotë të kam Bukmira ime
Si gjak arbëri flakëron
Nëpër festa e gëzime
N'tavolinë e para shkon

Eja pra ti lulja ime
Një gotë vere bashkë ta pimë
Se unë jam djalë prej Bukmire
Falma mua dashurinë !

Afrohu pak ti lule e kuqe
Ma jep fjalën kësaj here
Do të marr unë ty për nuse
Ta bëjmë dasmën n'fund t'kësaj vere

Djalë i mirë ti prej Bukmire
Zemra fort po m'rreh për ty
Ne sëbashku do ta lidhim
Me verë t'arbërit këtë dashuri

Të dy bashkë ne kur të rrimë
Do ta pimë nga një gotë verë
Flakë ta ndezim dashurinë
Lulja ime me plot erë

Eja pra ta lidhim jetën
Verë" Bukmira" ne të pimë
E të dy ta shijojmë verën
Bashkë me të dhe dashuria.

Tiranë 9 Shtator 2019


IKU MIQESIA E VERTETE !!!

Përse kështu ,pyes vehten ?!
Humbën të gjitha cilësitë e virtytet !
Përse kështu, pa to mbetëm ?!
Përgjigje s'marr nga asnjëra pyetje !

Përse humbi besimi mbi gjithçka ?!
E asgjë s'është më si më parë !
Nga shkuan e ku janë ata ?
Që me fjalë të ëmbla më kanë larë ?!

Ku janë e nga janë zhduk ' !
E vallë ku kanë mbetë ?!
Si mund te besoj tek miqësia në fb ?!
Kur kam humbur miqësinë e vertetë ? !

Humbi miqësia e vërtetë !
Vendin e saj e zuri interneti
As andej e as këndej kam mbetë !
Kujdes ,mos u gënje nga falciteti !


Tiranë 8 Shtator 2019


TË DYJA PREJ NJË ANE !

Veç nga larg të njoh unë ty
Dhe pse jemi prej një ane
Më duket sikur unë e ti
Jemi bija të një nane !

Shkruajmë të dyja me shpirt
Ti edhe më bukur
E kurrë e asnjë ditë
S'kemi shkruar për tu dukur !

Kemi rastisur me një emër
E të dyja prej një ane
Bashkë me poezinë në zemër
Të lindura prej një nane

Tiranë 8 Shtator 2019


ME TY POEZI !

Nuk shkruaj për vete
Por shkruaj dhe për ty
Herë, herë jam "deputete "
E shpesh jam popull që askush s'më sheh me sy

Shpesh jam "politikane"
Që di të gënjej për të marr votën
E herë herë jam nënë e madhe
Me fëmijë të shpërndarë në të gjithë botën

Ndonjëherë bëhem fëmijë
E ëndrra thur për jetën
Shpesh herë bëj sikur asgjë nuk di
Por gjithmonë them të vertetën

Ndonjëherë në varg jam dashuruar
Shpesh herë zemra më është vrarë
E shpirti më është lënduar
Në vargun tim edhe kam qarë

Vargu im s'më përket veç mua
Por kujtdo që e lexon
Shpirti më dhemb për të varfër e t'moshuar
Që askush nuk i kujton !

Prandaj të dua e imja poezi
Se çdo çast pranë më rri mua
Herë më bën të re e herë më bën fëmijë
E shpesh herë më bën dhe të moshuar !

Tiranë 8 Shtator 2019